Subscribe:

24 April 2011

എൻഡോസൾഫാനും മാധ്യമങ്ങളും.

എൻഡോസൾഫാൻ മൂലമുണ്ടായികൊണ്ടിരിക്കുന്ന കെടുതികൾ നമ്മെ കാണിക്കുവാൻ മാധ്യമങ്ങൾ മത്സരിക്കുമ്പോഴും, ഒരു വാർത്തയെ എങ്ങനെ അവതരിപ്പിക്കണം എന്ന് അവർക്ക് നന്നായി അറിയാം.

തങ്ങൾ സഹായിക്കുന്ന, തങ്ങളെ സഹായിക്കുന്ന രാഷ്ട്രീയ പാർടിയെ ക്ഷതം ഏൽപ്പിക്കാതെ, തങ്ങളുടെ എതിരാളിയെ ഒന്നിരുത്തി വാർത്തകൾ അവതരിപ്പിക്കുന്നതിൽ ഇവർ ഒരിക്കലും അയയില്ല. അതിനി എൻഡോസൾഫാനാണെങ്കിലും, ലോകാവസാനമാണെങ്കിലും ഇനി വെല്ലോരുടെയും അമ്മക്കു ഭ്രാന്തായതാണെങ്കിലും( ഇതൊക്കെ ആണല്ലോ ഇപ്പോൾ പ്രധാന വാർത്തകൾ ) ഒരു മാറ്റവും ഉണ്ടാകില്ല.

ദാ ഇതു കാണൂ,
എൻഡോസൾഫാൻ രാജ്യ വ്യാപകമായി നിരോധിക്കണം എന്ന് ആവശ്യപ്പെട്ടു പ്രധാനമന്ത്രിയെ കാണാൻ പോയ കേരളത്തിലെ സർവകക്ഷി സംഘം ആവശ്യങ്ങളെല്ലാം നിരാകരിക്കപ്പെട്ട് തിരിച്ചെത്തിയ വാർത്ത പത്രങ്ങളിൽ വന്നത് ഒന്നു കാണാം.

മലയാള മനോരമ
എൻഡോസൾഫാൻ നിരോധനത്തിന് ഉറപ്പു കിട്ടാതെ സർവകക്ഷിസംഘം
പൂർണമായും കോൺഗ്രസ് പത്രമാണ് എന്ന് ഉറപ്പു പറയാവുന്ന നിലക്ക് മനോരമ മാറിയിട്ട് വർഷങ്ങളായി. 
മനോരമയുടെ തലക്കെട്ട് കണ്ടാൽ സർവകക്ഷി സംഘം തോറ്റുമടങ്ങി എന്ന ഒരു ഫീൽ ആണെനിക്കു കിട്ടുന്നത്. സംഘത്തിന്റെ മുഴുവൻ ആവശ്യങ്ങളും പ്രധാനമന്ത്രി തള്ളിക്കളഞ്ഞു എന്നത് ഇത്രയും നല്ല ഒരു തലക്കെട്ടോടെ അവതരിപ്പിച്ച മനോരമയിലെ ലേഖകർ തീർച്ചയായും അഭിനന്ദനം അർഹിക്കുന്നു.
കാസർകോട് സന്ദർശിച്ചു ദുരിതത്തെക്കുറിച്ച് നേരിട്ടു മനസിലാക്കാൻ പ്രധാനമന്ത്രി സന്നദ്ധത പ്രകടിപ്പിച്ചു എന്നും മനോരമ പറയുന്നു.
ഇന്ത്യൻ വൈദ്യശാസ്ത്ര ഗവേഷണ കൗൺസിലിന്റെ അന്വേഷണ റിപ്പോർട്ട് ലഭിക്കാതെ നടപടി എടുക്കാനാവില്ലെന്നാണു പ്രധാനമന്ത്രി അറിയിച്ചതെന്നു സർവകക്ഷി സംഘം അറിയിച്ചു.
എന്ന് മനോരമ വിശദമാക്കുന്നു.

എന്നാൽ ഇതേ ഇന്ത്യൻ വൈദ്യശാസ്ത്ര ഗവേഷണ കൗൺസിൽ ഇതേ വിഷയത്തിൽ മുൻപ് നൽകിയ റിപ്പോർട്ടിനെ പറ്റി മനോരമ അറിഞ്ഞിട്ടില്ല എന്നു ഭാവിക്കുന്നതിനാൽ മനോരമയുടെ പ്രതിബദ്ധത നാടിനോടല്ല, കോൺഗ്രസിനോടാണെന്ന് ഇതിനാൽ അടിവരയിട്ട് പറയാം.

ദേശാഭിമാനി
എൻഡോസൾഫാൻ : കേന്ദ്രത്തിനെതിരെ വ്യാപക പ്രതിഷേധം
കേന്ദ്രത്തെ ന്യായീകരിച്ച് ചെന്നിത്തല
കോൺഗ്രസ് കാപട്യം മറനീക്കി


ദേശാഭിമാനി പിന്നെ പാർടി പത്രം തന്നെ ആണല്ലോ? അപ്പം പിന്നെ കുറച്ചധികം വാർത്ത ഉണ്ടാകുമെന്നുറപ്പല്ലേ.
ദേശാഭിമാനി നിരാശപ്പെടുത്തുകയും ചെയ്തില്ല. വാർത്തകളിൽ കേന്ദ്ര വിരോധം ഉടനീളം കാണുകയും ചെയ്തു.
എൻഡോസൾഫാൻ വിഴുങ്ങണോ തുപ്പണോ എന്നറിയാതെ ത്രിശങ്കു സ്വർഗത്തിൽ നിൽക്കുന്ന കേരളത്തിലെ പാവം കോൺഗ്രസുകാരെ ആക്രമിക്കുന്നതിൽ ദേശാഭിമാനി അൽപം പോലും പിശുക്ക് കാണിക്കുന്നില്ല.

എങ്കിലും മനോരമ നൽകിയിരിക്കുന്നതിലും കൂടുതൽ വാർത്തയാണ് ദേശാഭിമാനി നൽകിയിരിക്കുന്നത്.


മാതൃഭൂമി
എൻഡോസൾഫാൻ : കേന്ദ്രനയത്തിനെതിരെ വി.എസ്. ഉപവസിക്കും
പരീക്ഷണം നിർത്താൻ സമയം കഴിഞ്ഞു.

മാതൃഭൂമി ആണിപ്പോളത്തെ പ്രധാന പ്രതിപക്ഷം എന്ന് ഒരു പേരുണ്ടെങ്കിലും പരീക്ഷണം നിർത്താൻ സമയം കഴിഞ്ഞു എന്നൊരു ലേഖനത്തിലൂടെ നാടിനോട് അല്പമെങ്കിലും കൂറുണ്ടെന്ന് മാതൃഭൂമി തെളിയിച്ചു.


ദ ഹിന്ദു
Centre will await ICMR report on endosulfan
ദുഃഖ വെള്ളി പ്രമാണിച്ച് ഒട്ടു മിക്ക പത്രങ്ങളും അവധി ആയിരുന്നതിനാൽ ഹിന്ദുവിലാണ് ഈ വാർത്ത ആദ്യം അച്ചടിച്ച് ഞാൻ കണ്ടത്. വളരെ വ്യക്തമായതും പൂർണവുമായ വാർത്തയാണ് ഹിന്ദു നൽകിയിരിക്കുന്നത്. 
സർവകക്ഷി സംഘത്തിൽ എത്ര പേർ ഉണ്ടായിരുന്നെന്നും ആരൊക്കെ ആയിരുന്നു അവരെന്നും ഞാൻ മനസിലാക്കിയത് ഹിന്ദുവിലൂടെയാണ്.

വാർത്തകളെല്ലാം ദാ താഴെ ഉണ്ട്.

മലയാള മനോരമ
എൻഡോസൾഫാൻ നിരോധനത്തിന് ഉറപ്പു കിട്ടാതെ സർവകക്ഷിസംഘം

ദേശാഭിമാനി
കോൺഗ്രസ് കാപട്യം മറനീക്കി

ദ ഹിന്ദു
Centre will await ICMR report on endosulfan

ഞാൻ വായിക്കുന്ന പത്രങ്ങളുടെ എണ്ണം കുറവാണ്.
വായിച്ചവയിൽ നിന്നും മനസിലായ വളരെ കുറച്ച് കാര്യങ്ങളാണിവിടെ എഴുതിയിരിക്കുന്നത്.
ശരിയായിരിക്കാം, തെറ്റായിരിക്കാം. 
എന്തായാലും ഏതു പത്രം വായിച്ചാലാണ് സത്യമായ വാർത്ത കിട്ടുക എന്ന് ഞാനിപ്പോളൂം അന്വേഷിക്കുകയാണ്.

4 അഭിപ്രായങ്ങൾ:

ബൈജു . said...

കി കി കി ഇവരും മറ്റേ മക്കളുടെ കൂട്ടത്തില്‍ തന്നെയാണു.. http://baijuvachanam.blogspot.com/2011/04/blog-post_2808.html

sreepathi said...

കണ്ട്രക്കുട്ടികള്‍ അല്ലേ,
തകർത്തിരിക്കുന്നു.
പെരുത്തിഷ്ടമായി.

http://baijuvachanam.blogspot.com/2011/04/blog-post_2808.html

raveendran t said...

പത്രം വായിച്ച് ചില വിഷയങ്ങളുടെ സത്യം കിട്ടണമെന്നാഗ്രഹിക്കുന്നത് അത്യാഗ്രഹമല്ലേ നമ്മടെ ജനാധിപത്യത്തില്‍ :)

sreepathi said...

അതെയല്ലേ??

Post a Comment