Subscribe:

28 March 2011

വോട്ട് ചെയ്യാതിരിക്കുവാനുള്ള അധികാരം.


അടുത്ത ഒരു തിരഞ്ഞെടുപ്പ് വന്ന്‌ മതിലുകൾ വൃത്തികേടാക്കാൻ തുടങ്ങിയിരിക്കുന്നു.

ഓരോ തിരഞ്ഞെടുപ്പ് വരുമ്പോളും ഞാൻ ആലോചിക്കാറുള്ള ഒരു ചോദ്യത്തിന്‌ ഇന്നെനിക്ക് ഉത്തരം കിട്ടി.

വോട്ട് ചെയ്യുന്നത് എന്റെ മൗലിക അവകാശമാണ്‌. ജനാധിപത്യത്തിന്റെ നിലനില്പിനു കാരണം എന്റെ വോട്ടും കൂടി ആണ്‌. പക്ഷേ തിരഞ്ഞെടുപ്പിൽ നിൽക്കുന്നവർ ആരും തന്നെ എനിക്ക് സമ്മതനല്ല എങ്കിൽ ഞാനെന്തു ചെയ്യും?


എനിക്ക് മോഹന വാഗ്ദാനങ്ങൾ നൽകി വഞ്ചിച്ചവരും, എന്റെ രാജ്യത്തിന്റെ സമ്പത്ത് കട്ട് മുടിച്ചവരും, എന്റെ കഞ്ഞിയിൽ മണ്ണു വാരിയിട്ടവരും,എന്നെ കഴുത എന്ന് വിളിച്ചവരുമാണ്‌ സ്ഥാന മോഹികളായി വീണ്ടും മത്സരിക്കുന്നതെങ്കിലോ?. ഇവർക്കർക്കും വോട്ട് ചെയ്യാൻ എന്റെ മനസ്സ് അനുവദിക്കുന്നില്ല.  വോട്ട് ചെയ്യാതിരിക്കുന്നത് ഒരു തരം ഒളിച്ചോട്ടവുമാണ്‌. ഇങ്ങനെ ഒരവസ്ഥയിൽ എനിക്കെന്തു ചെയ്യാൻ പറ്റും?


തിരഞ്ഞെടുപ്പ് നിയമങ്ങളിൽ ഇതിനു പരിഹാരമുണ്ട്.
ദാ ഇങ്ങനെയാണ്‌ ആ നിയമം.
1961-ലെ തിരഞ്ഞെടുപ്പ് നിയമത്തിലെ 49-O ഉപനിയമം.

49-O. സമ്മതിദായകൻ വോട്ട് ചെയ്യേണ്ടാ എന്ന് തീരുമാനിക്കുന്നു
.- ഒരു സമ്മതിദായകൻ വോട്ട് ചെയ്യാൻ വേണ്ടിയുള്ള "Form-17A" ഫോമിൽ ആവശ്യമുള്ള വിവരങ്ങൾ എല്ലാം നൽകി, ഒപ്പും ചെയ്ത ശേഷം വോട്ട് ചെയ്യേണ്ടതില്ല എന്ന് തീരുമാനിച്ചാൽ, പ്രിസൈഡിങ്ങ് ഓഫീസർ ഈ വിവരം "Form-17A" - ൽ ഒരു കുറിപ്പായി ചേർക്കേണ്ടതാണ്‌.

ഇതിനു നേരേ സമ്മതി ദായകന്റെ ഒപ്പ് അല്ലെങ്കിൽ വിരലടയാളം പതിക്കുകയും വേണം.
ദേ ഇവിടെയുണ്ട് ആ നിയമത്തിന്റെ പകർപ്പ്.

  1. വിക്കിപ്പീഡിയ
  2. Ministry of Law & Justice website



ഇന്ത്യയിലുള്ള മാധ്യമങ്ങളോ, രാഷ്ട്രീയ പാർടികളോ ഒന്നും  ജനങ്ങളെ അറിയിക്കാത്ത ഒരു ഭീകര നിയമമാണിത്.
പക്ഷേ ഒന്നുണ്ട്. വോട്ടിങ്ങിന്റെ സ്വകാര്യത എന്നു പറയുന്ന സംഭവം ഇതിൽ ആപ്പ്ലിക്കബിൾ അല്ല.
വോട്ടിങ്ങ് മെഷീനിൽ ഒരു ബട്ടൺ കൂടി വെക്കുന്നതു പോലെ കുറച്ചു കൂടി സുതാര്യമായ ഒരു നിയമമായിരുന്നെങ്കിൽ നന്നായിരുന്നു അല്ലേ??
അല്ലാ ഈ പറയുന്ന രാഷ്ട്രീയക്കാരു തന്നെയല്ലേ പുതിയ നിയമങ്ങൾ ഇനി ഉണ്ടാക്കുന്നത്! ലോകാവസാനം വരെ ഇതിലും എളുപ്പമായ ഒരു നിയമം ഇറക്കുമെന്ന് പ്രതീകഷിക്കണ്ട.

മുന്നറിയിപ്പ്.
എനിക്ക് THE CONDUCT OF ELECTIONS RULES, 1961 , 49-O പ്രകാരം വോട്ട് ചെയ്യാൻ സൗകര്യമില്ല എന്ന് ബൂത്തിൽ ചെന്ന് പറഞ്ഞിട്ട് ഏജന്റുമാരുടെ എന്തെങ്കിലും സമ്മാനം കിട്ടിയാൽ എന്നെ ചീത്ത പറയരുത്.

2 അഭിപ്രായങ്ങൾ:

Iylaseri said...

ഇത് എനിക്കൊരു പുതിയ അറിവാണ് നന്ദി ഒരുപാട്

Sreejith Kondotty said...

പോസ്റ്റ്‌ വായിച്ചു.. പുതിയ അറിവുകള്‍ക്ക് നന്ദി.. :)

Post a Comment