Subscribe:

28 February 2011

ചതുർത്ഥ്യാകരി.

എന്തേയ് പേരു കേട്ട് ഞെട്ടിയോ?
ഇതാണെന്റെ നാടിന്റെ പേര്.

ആലപ്പുഴയിലെ കുട്ടനാട്ടിൽ ആണ് ഈ പറഞ്ഞ ചതുർത്ഥ്യാകരി.
പണ്ട് പണ്ട് നമ്മുടെ അര്‍ജുനൻ ഗാണ്‍ഢവ വനം ദഹിപ്പിച്ചപ്പോൾ പൂര്‍ണമായും നശിക്കാതെ നിന്ന കരകളിൽ ഒന്നാണ് ചതുർത്ഥ്യാകരി.( മച്ചൂ ചില്ലറക്കാരല്ല ഞങ്ങൾ, തീയിൽ കുരുത്തവരാണു കേട്ടാ )
കുട്ടനാട്ടിൽ രാമങ്കരി,കൈനകരി,ചങ്ങംകരി,മിത്രക്കരി എന്നിങ്ങനെ കരികൾ വേറേയും ഒരുപാട് ഉണ്ട്.
എങ്കിലും ചതുർത്ഥ്യാകരി എന്ന പേരിന്റെ ആ ഒരു ഗ്ലാമർ വേറേ ഒന്നിനും ഇല്ല.

കുറച്ചു നാളുകൾക്ക് മുൻപുണ്ടായ ഒരു കഥ പറയാം.
കുറച്ചു നാൾ എന്നു പറഞ്ഞാൽ ഒരു വര്‍ഷം കഴിഞ്ഞിട്ടുണ്ട്.
അന്നു ഞാൻ അത്യാവശ്യം നന്നായി മദ്യപിക്കുന്ന സമയമാണ്.( ഇന്നു ഞാൻ പക്കാ ഡീസന്റ് ആണു കേട്ടോ.)
അങ്ങനെ ഒരു ദിവസം വൈകുന്നേരം ഞാനും എന്റെ കുറച്ച് കൂട്ടുകാരും കൂടി ഒന്നു കൂടുകയായിരുന്നു.
പാലാരിവട്ടത്തെ ഞങ്ങളുടെ സ്വന്തം റൂബി ബാറിൽ ആയിരുന്നു കൂടൽ. ( പാലാരിവട്ടത്ത് ചെന്നു റൂബി ബാർ തിരക്കേണ്ടാ. ഇതു ഞങ്ങളുടെ ഒരു സാറിന്റെ റൂബി എന്നു പേരുള്ള വീടായിരുന്നു. ഞങ്ങളുടെ സ്ഥിരം കാര്യ പരിപാടികൾ അവിടെയായിരുന്നതു കൊണ്ട് വീണ പേരാണ് റൂബി ബാർ എന്നത്.)

പതിവുപോലെ വലിയ താമസം ഒന്നും ഇല്ലാതെ കുപ്പികൾ കാലിയായി.( ശരിക്കും അന്നൊക്കെ കുടിക്കുന്നതിനേക്കാൾ സമയം വേണ്ടത് പരിപാടി ഒരുക്കുന്നതിനായിരുന്നു.) എന്റെ ഒരു രാമങ്കരിക്കാരൻ സുഹൃത്ത് ബൈക്ക് എടുത്ത് കളമശ്ശേരിയിലെ അവന്റെ അമ്മാവന്റെ വീട്ടിലേക്ക് പോയി. പോയി കുറച്ച് കഴിഞ്ഞില്ല, എന്റെ ഫോണിലേക്കു അറിയാൻ പാടില്ലാത്ത ഒരു നമ്പറിൽ നിന്ന് ഒരു കോൾ വന്നു. നക്ഷത്രങ്ങളെ കൊഞ്ഞനം കുത്തിക്കൊണ്ട് ഭൂമീ ദേവിയുടെ നെഞ്ജിൽ പറ്റിപ്പിടിച്ചു കിടന്ന ഞാൻ ആ കോൾ മിസ് ചെയ്തു.
ഇടപ്പള്ളി എത്തിയപ്പോഴേ അവനെ ഏമാന്മാര് പൊക്കിയിരുന്നു. പാവപ്പെട്ടവന്റെ ഫോണിൽ ബാലൻസ് ഇല്ലാഞ്ഞിട്ട് SI യുടെ ഫോൺ വാങ്ങി അതിൽ നിന്നും വിളിക്കുകയായിരുന്നു എന്നെ. പിന്നെ ആരെയൊക്കെയോ വിളിച്ച് രാത്രി തന്നെ അവനെ പുറത്തിറക്കി. പക്ഷെ വണ്ടി ഇടപ്പള്ളി ട്രാഫിക് പോലീസ് സ്റ്റേഷനിൽ ഈടു വെച്ചിട്ടാണ് പാവപ്പെട്ടവനെ വിട്ടയച്ചത്.

അടുത്ത ദിവസം അതി രാവിലെ 10 മണിക്ക് ഞാനും ഈ കൂട്ടുകാരനും ഞങ്ങളുടെ ഓഫീസിലെ വേറൊരു പയ്യനും കൂടി അവനു ജാമ്യം എടുക്കാൻ ഇടപ്പള്ളി സ്റ്റേഷനിൽ എത്തി. വാങ്ങണ്ടതെല്ലാം വാങ്ങി, കൊടുക്കേണ്ടതെല്ലാം കൊടുത്ത് ഞങ്ങൾ റൈറ്ററുടെ മുന്‍പിൽ എത്തി.
ജാമ്യക്കാരനായ എന്റെ അഡ്രസ്സ് എഴുതുന്നതാണ് സീൻ.

റൈറ്റർ : പേര്
ഞാൻ : ശ്രീപതി ദാസ്.
റൈറ്റർ: എന്തോന്ന് ?
ഞാൻ : ശ്രീ... പ... തി... ദാ... സ്...
റൈറ്റർ : സ്ഥലപ്പേര്.
ഞാൻ : ചതുര്‍ത്ഥ്യാകരി പി ഓ, ആലപ്പുഴ.
റൈറ്റർ : ഒന്നൂടെ...
ഞാൻ : ചതുര്‍ത്ഥ്യാകരി.. ചതുര്‍ത്ഥ്യാകരി
റൈറ്റർ : അതെ ഈ ' ത്ഥ്യ ' എങ്ങിനെയാ?
ഞാൻ : അതു സാറേ ദേ ഇങ്ങനെ എഴുതിയാൽ മതി. ( അവിടെ കിടന്ന ഒരു പേപ്പറിൽ ഞാൻ എഴുതി കാണിച്ചു. )
റൈറ്റർ : ഓകെ. ഓകെ. ഇനി ഒരു ലാന്റ് മാർക് പറ.
ഞാൻ : സാഹിത്യ പോഷിണി ഗ്രന്ധശാലക്ക് സമീപം.
റൈറ്റർ : ഒരു കാര്യം ചെയ്യ്, ലാന്റ് മാർകും വേണ്ടാ ഒരു ഡാഷും വേണ്ടാ . പിന്നെ, മേലാൽ ആര്‍ക്കെങ്കിലും ജാമ്യം എടുക്കാൻ നീ ഇങ്ങോട്ടു വന്നു പോകരുത്. പോ.. പോ.. പോ.. വീട്ടിൽ പോടാ.. അവന്റെ ഒരു പേരും സ്ഥലപ്പേരും ലാന്റ് മാർകും. സത്യം പറ, ഇതുള്ള സ്ത്ഥലമാണോടേയ്??

എനിക്കും തോന്നി ഇതിത്തിരി കടന്ന കയ്യായിപ്പോയെന്ന്. പക്ഷെ എന്തു ചെയ്യാം?

ഇതാണെന്റെ ചതുര്‍ത്ഥ്യാകരി


4 അഭിപ്രായങ്ങൾ:

sreekumar said...

eda..
നക്ഷത്രങ്ങളെ കൊഞ്ഞനം കുത്തിക്കൊണ്ട് ഭൂമീ ദേവിയുടെ നെഞ്ജില്‍ പറ്റിപ്പിടിച്ചു കിടന്ന ഞാന്‍
ennu paranjaal enthuva??

അറുപതില്‍ചിറ ഗോപി ദാസ് ശ്രീപതി ദാസ്. said...

അടിച്ചു വീലായി ബോധമില്ലാതെ മിറ്റത്ത് മലര്‍ന്ന് കിടന്നു എന്ന് പച്ച മലയാളത്തില്‍ പറയാം.

joe said...

hey..it's really great to read u'r blog. u have sme great talent in it..all d best & tnk u for a good share.

അറുപതില്‍ചിറ ഗോപി ദാസ് ശ്രീപതി ദാസ്. said...

Thanks Joe for your gud comment.

Post a Comment