Subscribe:

22 March 2011

ദൈവത്തിന്റെ നെറ്റ്വർക്ക് മാർക്കെറ്റിങ്ങ് (ഭീഷണി മാർക്കെറ്റിങ്ങും)

ഈ കോർപറേറ്റ് യുഗത്തിൽ പബ്ലിസിറ്റി ഇല്ലാതെ ഒന്നിനും അധികകാലം നിലനില്പ്പില്ലല്ലോ? സിനിമയുടെ കാര്യത്തിൽ തന്നെ ആണെങ്കിൽ പണ്ടൊക്കെ ഒരു സിനിമയുടെ ഷൂട്ടിങ്ങ് കഴിഞ്ഞാൽ കാണുന്ന മതിലിലെല്ലാം പോസ്റ്ററൊട്ടിക്കണം, പത്രത്തിൽ പരസ്യം കൊടുക്കണം പിന്നെ ദൈവം സഹായിച്ച് പടം 100 ദിവസം ഓടിയാൾ വീണ്ടും കുറച്ച് ഫോട്ടോ എടുത്ത് പോസ്റ്റർ അടിക്കണം. പരിപാടി തീർന്നു. പക്ഷെ ഇപ്പോളോ, ഷൂട്ടിങ്ങ് കഴിഞ്ഞാലുടൻ പ്രമോഷൻ പരിപാടികൾ, മൽസരങ്ങൾ, വെബ് സൈറ്റ്, ഓഡിയോ റിലീസ്,അഭിമുഖങ്ങൾ, റ്റ്വിറ്റർ ആഘോഷം, ഫിലിം പെട്ടിക്ക് ഫാൻസ് വക സ്വീകരണം, ചെണ്ട മേളം എന്നു വേണ്ട ആകെ ഒരു ബഹളം.
എല്ലാം ഇങ്ങിനെയൊക്കെ ആകുമ്പോൾ പാവം ദൈവം തമ്പുരാന്റെ കാര്യം എന്തു ചെയ്യും? പുള്ളിക്കാണെങ്കിൽ ചാനലില്ല, ഫാൻസ് അസോസിയേഷനില്ല, റ്റ്വിറ്റെർ അക്കൗണ്ട് ഇല്ല, ബ്ലോഗുമില്ല. പിന്നെ ആകെയുള്ളത് കുറച്ച് അമ്പലങ്ങളും പള്ളികളും ഒക്കെയാണ്‌. പുതിയ തലമുറയിലെ പിള്ളേരെ വലവീശാൻ ഇതൊന്നും പോരല്ലോ. പിന്നെ കുറച്ച് സംഘടനകളുള്ളത് നമ്മുടെ ആളെ സ്ഥാനാർത്ഥി ആക്കണം എന്നു പറഞ്ഞ് പാർടികളുടെ പുറകെയാണ്‌. അപ്പം പിന്നെ എന്തു ചെയ്യും സ്വന്തം ഇമേജ് കാക്കാൻ ദൈവം തുനിഞ്ഞിറങ്ങിയല്ലേ പറ്റൂ.
പുള്ളി ഇറങ്ങുകയും ചെയ്തെന്ന്! ദൈവമാരാ മോൻ പുള്ളി നേരേ നെറ്റ്വർക്ക് മാർക്കെറ്റിങ്ങിലേക്കല്ലേ ഇറങ്ങിയത്.എത്ര എത്ര ഇമെയിലാണെനിക്ക് വരുന്നതെന്നോ? പിന്നെ പുള്ളീടെ മെയിലിന്‌ എല്ലാം ഒരു ഫോർമാറ്റ് ഉണ്ടാകും ദാ ഇങ്ങനെ.
  1. ദൈവത്തിന്റെ കുറച്ച് അൽഫുത പ്രവർത്തികളുടെ ദൃക്‌‍സാക്ഷി വിവരണം ആദ്യ പാരഗ്രാഫ്.
  2. ഈ മെയിൽ ഫോർവേഡ് ചെയ്താൽ നിങ്ങൾക്കുണ്ടാകാൻ പോകുന്ന അമൂല്യ സൗഭാഗ്യങ്ങളുടെ ലിസ്റ്റ് + ഇങ്ങനെ സൗഭഗ്യം നേടിയ കുറച്ചു പേരുടെ അനുഭവങ്ങൾ.
  3. ഈ മെയിൽ ഡിലീറ്റ് ചെയ്തിട്ട് ആകാശമിടിഞ്ഞ് തലയിൽ വീണ്‌ പിടലി ഒടിഞ്ഞവരുടെ കഥ.
ഈ ദൈവത്തിന്റെ ഒരു പുത്തി! പുള്ളിക്ക് എങ്ങനെയൊക്കെ ഹിറ്റ് കിട്ടുമെന്നറിയുമോ?
  1. അൽഭുതം സ്തുതിച്ച് ഫോർവേഡ് ചെയ്യുന്നവര്‌
  2. എന്തൊക്കെയോ കിട്ടുമെന്ന് കരുതി ഫോർവേഡുന്നവർ.
  3. പിടലി പോയലോ എന്നു കരുതി ചെയ്യുന്നവർ.
ആകെ മുഴുവൻ ഫോർവേഡോട് ഫോർവേഡ്.
സമ്മതിച്ചു ദൈവമേ നിങ്ങള്‌ പുലിയാണു കേട്ടോ.

This Marketing idea is protected under the copyright Act. Property of of G O D !!

16 March 2011

ദേ ഇതുകൊണ്ടാണ്‌ ഞാൻ‍ പാലാരിവട്ടത്തുനിന്ന് ആലപ്പുഴക്ക് KSRTC ബസിൽ പോകുന്നത്!!

IndiGo Airlines ലെ Captain Parminder Kaur Gulat നെ വ്യാജ മാർ‍ക് ലിസ്റ്റ് ഉപയോഗിച്ച് ലൈസൻസ് നേടി എന്ന കുറ്റത്തിന്‌ ഡെൽഹി പോലീസ് അറസ്റ്റ് ചെയ്തു.

ആയമ്മ 2007 മുതൽ ഇന്റിഗോ യിൽ കോ പൈലറ്റായിരുന്നു. ആ സമയം നടന്ന air navigation പരീക്ഷയിൽ തോറ്റു. മാത്രമല്ല radio aids and instruments എന്ന പരീക്ഷ എഴുതുക പോലും ചെയ്തില്ല.
പക്ഷെ ഈ പരീക്ഷയുടെ എല്ലാം വ്യാജ മാർക്‍‍ഷീറ്റുമായി അവർ‍ 2009-ൽ‍ കൊമേഴ്സ്യൽ പൈലറ്റ്‍ ലൈസൻസ് നേടി!
പിന്നെ നേരേ ഇന്റിഗോയിൽ വീമാനം പറത്താനും തുടങ്ങി.

ഇക്കഴിഞ്ഞ ജാനുവരി 11ന്‌ ഇന്റിഗോയുടെ തന്നെ ഒരു ഫ്ലൈറ്റ്‌ അവര്‍ ഡെൽ‍ഹിയിൽ‍ നിന്ന് ഗോവ വരെ കൊണ്ടുവന്നു.ഗോവയിൽ വെച്ച് ഫ്ലൈറ്റിന്റെ മുൻ ചക്രങ്ങൾ‍ കുത്തിയാണു ലാന്റ് ചെയ്തതത്രേ ( പിൻ‍ ചക്രങ്ങളുപയോഗിച്ചാണ്‌ ലാന്റ് ചെയ്യേണ്ടത്). മാത്രമല്ല, അവരും ഒരു എഞ്ചിനീയറും കൂടി ഫ്ലൈറ്റ് പരിശോധിച്ച് എല്ലാം ഓകെയാണെന്നു റിപോർട്ടും കൊടുത്തു. ഇതിന്റെ അടിസ്ഥാനത്തിൽ ഈ ഫ്ലൈറ്റിന്‌ തിരിച്ച് ഡെൽ‍ഹിക്ക് പോകാനുള്ള അനുമതി നൽ‍കുകയും ചെയ്തു. പക്ഷേ പോകുന്നവഴിക്ക് ഫ്ലൈറ്റിന്റെ ലാന്റിങ്ങ് ഗിയറിൽ പ്രശ്നമുണ്ടെന്ന് അറിഞ്ഞ് അടിയന്തിരമായി ഗോവയിൽ തിരിച്ചിറക്കുകയായിരുന്നു.

ഇതെല്ലാം കണ്ട് അവരുടെ ഫ്ലൈറ്റ്‍ ഹിസ്റ്ററി ഏടുത്തു നോക്കിയ ഉദ്യോഗസ്ഥർ‍ ഞെട്ടി പോയി. അമ്മച്ചി ഇതുവരെ ഒരു തവണ പോലും മര്യാദക്ക് ലാന്റ് ചെയ്തിട്ടില്ല!!!
പിന്നെ വിശദമായി പരിശോധിച്ചപ്പോളല്ലേ വിവരങ്ങളെല്ലാം അറിഞ്ഞത്‌.

ഏതായാലും 4000ത്തിലധികം പൈലറ്റുമാരുടെ യോഗ്യത പരിശോധിക്കുകയാണിപ്പോൾ. കൂടുതൽ‍ ആളുകൾ‍ കുടുങ്ങാം എന്നാണത്രേ സൂചനകൾ.

14 March 2011

മാംഗല്യം തന്തുനാനേന മമ ജീവന ഹേതുന...


ഒരു പെൺകുട്ടി ജനിക്കുമ്പോൾ തന്നെ അവളുടെ അഛനമ്മമാരുടെ മനസിൽ ഒരായിരം കണക്കു കൂട്ടലുകളും പ്രതീക്ഷകളും ഭയങ്ങളും ഉടലെടുത്തു കഴിയും.ഏറ്റവും ആദ്യം അവരുടെ മനസിൽ വരുന്നത് അവളുടെ പഠനത്തെയും വിവാഹത്തെയും പറ്റിയുള്ള ചിന്തകളായിരിക്കും.
ഇന്നത്തെ കാലത്ത് ഒരു മിഡിൽ ക്ലാസ് കുടുംബത്തിന്റെ നട്ടെല്ലൊടിക്കുന്ന ഒരു മഹാ സംഭവമാണ്‌ ഒരു പെൺകുട്ടിയുടെ വിവാഹം. കുട്ടി ജനിക്കുന്ന ദിവസം മുതൽ അദ്ധ്വാനിച്ചും പിശുക്കിയും കൂട്ടിവെയ്ക്കുന്ന മുഴുവൻ സമ്പാദ്യവും ചിലവിട്ട്, ഇനി വരുന്ന കാലം മുഴുവൻ അദ്ധ്വാനിച്ച് വീട്ടേണ്ട കടങ്ങളും വരുത്തിവെച്ച് സന്തോഷത്തോടെ അവർ അതു മംഗളമായിത്തന്നെ നടത്തും. ഇതിനിടയിൽ ഉണ്ടാകുന്ന ടെൻഷൻ വേറെ. പക്ഷെ ഇതൊക്കെയല്ലേ ഒരു മനുഷ്യ ജന്മത്തിൽ ഒരു അഛനും അമ്മക്കും കിട്ടാവുന്ന ഏറ്റവും വലിയ സന്തോഷവും?
വീട്ടിൽ ഒരു പെൺകുട്ടിയുടെ വിവാഹം കഴിഞ്ഞാൽ അന്നു രാത്രി കിടന്നുറങ്ങുമ്പോൾ ഇതുവരെ ലഭിച്ചിട്ടില്ലാത്ത സുഖ നിദ്രയായിരിക്കും മാതാപിതാക്കൾ അനുഭവിക്കുക.
ഒരു മകൻ അല്ലെങ്കിൽ മകൾ എന്ന നിലയിൽ നമുക്കു നമ്മുടെ അഛനമ്മമാർക്ക് നൽകാവുന്ന ഏറ്റവും വലിയ സമ്മാനമാണിത്.
പക്ഷെ നമ്മുടെ നാട്ടിൽ മാതാപിതാക്കളെ എതിർത്തുകൊണ്ടുള്ള വിവാഹങ്ങൾ കൂടുകയണ്‌. മക്കളെ മാത്രം കുറ്റം പറഞ്ഞിട്ടു കാര്യമില്ല. അഛനമ്മമാരും കുറച്ചൊക്കെ വിവേകം കാട്ടണം. എനിക്കു തോന്നുന്നത് കൂടുതലും മിശ്ര വിവാഹങ്ങളാണിങ്ങനെ നടക്കുന്നതെന്നണ്‌.ജാതി, മതം ഇതൊക്കെ ഇന്നത്തെ കാലത്ത് അത്രയങ്ങ് നോക്കണോ? നിങ്ങളിതു കണ്ടിരുന്നോ?
നമ്മുടെ ജഗതി ശ്രീകുമാറിന്റെ മകളുടെ കല്യാണം.ചെറുക്കൻ ആരാണെന്നറിയില്ലെ, പി.സി. ജോർജിന്റെ മകൻ.കല്യാണം പള്ളിയിൽ വെച്ചായിരുന്നു. രണ്ടു വീട്ടുകാരും കല്യാണത്തിനുണ്ടായിരുന്നു. പെണ്ണു മതം മാറി എന്നതു സത്യം. പക്ഷെ കുടുംബാംഗങ്ങൾ എല്ലാവരും കല്യാണത്തിൽ പങ്കെടുത്തു.
മകനോ മകളോ ഒരു സ്നേഹ ബന്ധത്തിലാണ്‌ എന്നറിഞ്ഞാലുടൻ അതു തകർക്കാനും മകളെ ജയിലിലിടാനും നോക്കതെ അത് ഒരു നല്ല ബന്ധമാണെങ്കിൽ വേണ്ട സമയത്ത് ആ വിവാഹം നടത്തി കൊടുക്കാമെന്നൊരു തീരുമാനമെടുത്താൽ എന്തു സംഭവിക്കാനണ്‌? മറിച്ച് അതൊരു ചീത്ത ബന്ധമാണെങ്കിൽ എന്തുകൊണ്ട് അത് പാടില്ല എന്ന് അവരെ പറഞ്ഞു മനസിലാക്കാൻ ഉള്ള കടമ മാതാപിതാക്കൾക്ക് തീർച്ചയായും ഉണ്ട്.
ഇതല്ലാതെയും വേറേ പല കാരണങ്ങളും ഇങ്ങനെയുള്ള വിവാഹത്തിന്‌ ഉണ്ടാകാം. എങ്കിലും കഴിവതും ഇത്തരം കടന്ന കൈകൾ ഒഴിവാക്കി എല്ലാവരുടെയും സമ്മതത്തോടെയും അനുഗ്രഹത്തോടെയും ഉള്ള വിവാഹങ്ങളല്ലേ ഏറ്റവും നല്ലത്.

പിന്നെ,ഇതൊന്നും പറഞ്ഞിട്ട് കാര്യമില്ല, ഞങ്ങക്ക് ഇങ്ങനെ ചെയ്യേണ്ടി വരും എന്നുള്ളവർക്ക് എന്നുള്ളവർക്ക് ഒരു ചെറിയ സഹായം.

രണ്ടുപേരും ഹിന്ദു മതത്തിൽ പെട്ടവരാണെങ്കിൽ ഹിന്ദു മാര്യേജ് ആക്റ്റ് പ്രകാരം ഏതെങ്കിലും ക്ഷേത്രത്തിൽ വെച്ച് വിവാഹിതരാകാം.
രണ്ടു പേരുടെയും ഐ.ഡി. പ്രൂഫും വയസ് തെളിയിക്കുന്ന രേഖയും ക്ഷേത്രത്തിൽ ഹാജരാക്കണ്ടി വരും.

മിശ്ര വിവാഹമാണെങ്കിൽ നിങ്ങൾക്ക് വിവാഹം രജിസ്റ്റർ ചെയ്യാൻ അഖില ഭാരത കാമുക നിയമമായ 1954 - ലെ Special Marriage Act ആണ്‌ പ്രയോഗിക്കേണ്ടത്.

ഇത് ഒരു പുരുഷനും സ്ത്രീയും തമ്മിലുള്ള ഒരു കരാർ ആണ്‌.

ആർക്കൊക്കെ ഈ നിയമം വഴി വിവാഹിതരാകാം?

1. ജമ്മുവിലും കാഷ്മീരിലും ഒഴികെ വേറെ എവിടെയും സ്ഥിര താമസമാക്കിയ ഇന്ത്യൻ പൗരന്മാരായ പുരുഷനും സ്ത്രീയ്ക്കും ഈ നിയമം വഴി വിവാഹിതരാകം.
2. ഈ നിയമം വഴി വിവാഹിതരാകാൻ ശ്രമിക്കുന്ന ആർക്കും ജീവിച്ചിരിക്കുന്ന മറ്റൊരു പങ്കാളി ഉണ്ടാകാൻ പാടില്ല.
3. രണ്ടു പേരിൽ ആരും സ്വന്തമായി തീരുമാനം എടുക്കാൻ പറ്റാത്തവണ്ണം മാനസികമായി അസുഖം ഉള്ളവർ ആകരുത്.
4. വിവാഹം രജിസ്റ്റർ ചെയ്യുന്ന സമയം വരന്‌ 21 വയസും വധുവിന്‌ 18 വയസും തികഞ്ഞിരിക്കണം.
5. വധുവും വരനും വിവാഹം ചെയ്യാൻ പാടില്ലാത്തയത്രയും അടുത്ത ബന്ധം ഉള്ളവരാകാൻ പാടില്ല.


എങ്ങിനെ, എവിടെയാണ്‌ അപേക്ഷിക്കേണ്ടത്?

വരനും വധുവും 3 സാക്ഷികളുമായി വരന്റെയോ വധുവിന്റെയോ ജില്ലയിലുള്ള marriage officer-ഉടെ ഒഫീസിൽ എത്തി 3 രൂപ വിലയുള്ള നിശ്ചിത ഫോം പൂരിപ്പിച്ച് നൽകുക.
തുടർന്ന് 30 ദിവസം ഈ ഓഫീസിന്റെ നോട്ടീസ് ബോർഡിൽ ഒരു നോട്ടീസ് പ്രസിദ്ധീകരിക്കും.( എല്ലാവരെയും കാണേണ്ട പോലെ കണ്ടാൽ വേറേ ഏതെങ്കിലും നോട്ടീസ് നമ്മുടേ നോട്ടീസിനു മുകളിൽ അപ്പോൾ തന്നെ പതിപ്പിക്കാം.)
നിശ്ചിത 30 ദിവസത്തിനഉള്ളിൽ ആരും ഒബ്ജക്ഷനുമായി എത്തിയില്ലെങ്കിൽ അതിനു ശേഷം മേൽ പറഞ്ഞ 3 സാക്ഷികളുമായി ചെന്ന് വധൂവരന്മാർ രെജിസ്റ്റെറിൽ സൈൻ ചെയ്യെണ്ടതാണ്‌. ഇതിനായി ചെല്ലുമ്പോൾ 10 രൂപയുടെ സ്റ്റാമ്പ് പേപ്പറും കരുതണം.
നേരത്തേ പറഞ്ഞതുപോലെ കാണണ്ടതു പോലെ കണ്ടാൽ അന്നു തന്നെ വിവാഹ സർട്ടിഫിക്കറ്റുമായി സന്തോഷത്തോടെ മടങ്ങാം.

കൂടുതൽ വിവരങ്ങൾ കേരള സർക്കാരിന്റെ വെബ് സൈറ്റിൽ ലഭ്യമാണ്‌.

ഫോമിന്റെ 3 രൂപയും മുദ്ര പത്രത്തിന്റെ 10 രൂപയും കൂട്ടി ആകെ ചിലവ് 13 രൂപയെ ഉള്ളെങ്കിലും കുറഞ്ഞത് ഒരു 1000 രൂപ എങ്കിലും കൈയിൽ കരുതിയാൽ വലിയ തട്ടുകേടൊന്നും ഇല്ലാതെ 30 ദിവസം കൊണ്ട് കാര്യം നടന്നുകിട്ടും. നമ്മുടെ നാടല്ലേ, വഴിയാം വണ്ണം കണ്ടാൽ വഴിവിട്ട് എന്തു സഹായവും ചെയ്തു തരാൻ ഉദ്യോഗസ്ഥർ തയാറായിരിക്കും. (അവർക്കും പെണ്മക്കളെ കെട്ടിച്ചുവിടാനുണ്ടാകും!)

09 March 2011

മരുന്നു നൽകി കൊല്ലേണ്ട, പട്ടിണിക്കിട്ട് കൊല്ലാം !!!!!

ഇതിൽ എങ്ങിനെ പ്രതികരിക്കാനാണ്‍ ??
കഴുത്തറത്ത് കൊല്ലാൻ പറഞ്ഞില്ലല്ലോ എന്ന് സമാധാനിക്കാം!!!!

03 March 2011

ലോക കപ്പ് ക്രിക്കറ്റിലെ അട്ടിമറികൾ

1. ഇന്ത്യ - വെസ്റ്റ് ഇന്‍ഡീസ് 1983 ലോക കപ്പ് - ഇംഗ്ലണ്ട് ( India won by 43 runs )
മൂന്നാം ലോക കപ്പിൽ ഇന്ത്യയും വെസ്റ്റ് ഇന്‍ഡീസും ഏറ്റുമുട്ടുമ്പോൾ ആകെ ഉAdd Imageള്ള
സാധ്യത വെസ്റ്റ് ഇന്‍ഡീസിന്റെ മൂന്നാം കിരീട ധാരണം മാത്രമായിരുന്നു.
ഇതിനു മുന്‍പുള്ള രണ്ട് വേൾഡ് കപ്പിലും കൂടി ഇന്ത്യ ആകെ ജയിച്ചത് ഒരേയൊരു കളി മാത്രമായിരുന്നു. വെസ്റ്റ്
ഇന്‍ഡീസാകട്ടെ ആദ്യ രണ്ടു ലോക കപ്പില്‍ തോറ്റിട്ടില്ലായിരുന്നു.
ഗ്രൂപ് മത്സരത്തിലെ ആദ്യ കളിയിൽ ഇന്ത്യ വെസ്റ്റ് ഇന്‍ഡീസിനെ 34 റണ്‍സിനു തോല്പിച്ചുവെങ്കിലും രണ്ടുപേരും ഫൈനലിൽ എത്തുകയായിരുന്നു.
ഫൈനലിൽ ഇന്ത്യയുടെ 183 റണ്‍സ് പിന്തുടർന്ന വെസ്റ്റ് ഇന്‍ഡീസ് 140 ന് എല്ലാവ
രും ഔട്ടാകുകയായിരു
ന്നു.
ചരിത്രത്തിലെ ഇന്ത്യയുടെ ആദ്യ ലോക കപ്പ് 1983 ജൂണ്‍ 25 ന്
കപിൽ ദേവ് ലോർഡ്സ് ക്രിക്കറ്റ് സ്റ്റേഡിയത്തിൽ ഏറ്റുവാങ്ങി.



2. കെനിയ - വെസ്റ്റ് ഇന്‍ഡീസ് 1996 ലോക കപ്പ് - ഇന്ത്യ,പാകിസ്ഥാൻ ,ശ്രീലങ്ക ( Kenya won by 73 runs )
ആറാം ലോക കപ്പിൽ ഒരിക്കൽ കൂടി വെസ്റ്റ് ഇന്‍ഡീസിനു പിഴച്ചു. ഇത്തവണ കെനിയയോടായിരുന്നു വെസ്റ്റ് ഇന്‍ഡീസിന്റെ തോൽവി.
സ്ഥിരത ഇല്ലാത്ത പ്രകടനമായിരുന്നു അതുവരെ വെസ്റ്റ് ഇന്‍ഡീസ് നടത്തിയിരുന്നതെങ്കിലും കെനിയക്കുമേൽ ഒരു ആധികാരികമായ വിജയം ആയിരുന്നു
എല്ലാവരും പ്രതീക്ഷിച്ചിരുന്നത്.
കെനിയയെ 166 ന് പുറത്താക്കി അവർ പ്രതീക്ഷ നില നിര്‍ത്തുകയും ചെയ്തു.
പക്ഷെ വെസ്റ്റ് ഇന്‍ഡീസിനെ 93 ന് പുറത്താക്കി കെനിയ ക്രിക്കറ്റ് ലോകത്തെ മുഴുവൻ
ഞെട്ടിച്ചു.




3. സിംബാവെ - ഇന്ത്യ 1999 ലോക കപ്പ് - ഇംഗ്ലണ്ട് ( Zimbabwe won by 3 runs )
ഏഴാം ലോക കപ്പിൽ ഇന്ത്യയായിരിന്നു ഒരു അട്ടിമറിക്ക് ഇരയായത്.
ആദ്യം ബാറ്റ് ചെയ്ത
സിംബാവെ 252 റണ്ണിന്റെ മാന്യമായ
സ്കോർ നേടി.
മറുപടി ബാറ്റിങ്ങിനിറങ്ങിയ ഇന്ത്യ പ്രതീക്ഷക്ക് വക നല്‍കുകയും ചെയ്തു. അവസാന 2 ഓവറിൽ 3 വിക്കറ്റ് ബാക്കി നിൽക്കെ ഇന്ത്യക്ക് ജയിക്കാൻ വേണ്ടിയിരുന്നത് വെറും 9 റൺസ് മാത്രമായിരുന്നു. പക്ഷെ തന്റെ അടുത്ത ഓവറിൽ 5 റൺസ് വഴങ്ങി അവസാന 3 വിക്കറ്റ് വീഴ്ത്തി ഹെന്‍റി ഒലോങ്കോ സിംബാവെയെ ചരിത്രത്തിലേക്ക് കൈ പിടിച്ചു നടത്തി.


4. അയർലണ്ട് - പാകിസ്ഥാൻ 2007 ലോക കപ്പ് - വെസ്റ്റ്
ഇന്‍ഡീസ് ( Ireland won by 3 wickets (D/L method) )
പാകിസ്ഥാനെ വെറും 132 റണ്‍സിനു പുറത്താക്കിയ അയർലണ്ട് 32 പന്തുകൾ ബാക്കി നില്‍ക്കെ 3 വിക്കറ്റിനു ജയിക്കുകയായിരുന്നു. ഇതോടെ പാകിസ്ഥാൻ 2007 ലോക കപ്പിൽ നിന്നും പുറത്താകുകയും ചെയ്തു.



5. ബംഗ്ലാദേശ് - ഇന്ത്യ 2007 ലോക കപ്പ് - വെസ്റ്റ്
ഇന്‍ഡീസ്
അതേ ലോക കപ്പിൽ ഇന്ത്യ ബംഗ്ലാദേശിനോട് 5 വിക്കറ്റിനു തോറ്റ് പുറത്തായി.
ആദ്യം ബാറ്റു ചെയ്ത ഇന്ത്യ മോര്‍ട്ടസയുടെ 4 വിക്കറ്റ് പ്രകടനത്തിൽ 191 ന് എല്ലാവരും പുറ
ത്താകുകയായിരുന്നു. മറുപടി ബാറ്റിങ്ങിനിറങ്ങിയ ബംഗ്ലാദേശ് 5 വിക്കറ്റ് നഷ്ടത്തിൽ ലക്ഷ്യം കണ്ടു.


6 അയർലണ്ട് - ഇംഗ്ലണ്ട് 2011 ലോക കപ്പ് - ഇന്ത്യ ( Ireland won by 3 wickets )
2011 ലോക കപ്പിലെ ആദ്യ അട്ടിമറി. ഇംഗ്ലണ്ട് ഉയർത്തിയ 328 റണ്ണിന്റെ വെല്ലുവിളി ചങ്കൂറ്റത്തോടെ നേരിട്ട അയർലണ്ട് അവസാന ഓവറിലെ ആദ്യ പന്തിൽ വിജയ റൺ കുറിച്ചു.
ലോക കപ്പ് ക്രിക്കറ്റിലെ ഏറ്റവും വേഗമേറിയ സെഞ്ചുറി നേടിയ കെവിൻ ഒബ്രിയന്റെ പ്രകടനമാണ് അയർലണ്ടിനെ വിജയത്തിൽ എത്തിച്ചത്.


28 February 2011

ചതുർത്ഥ്യാകരി.

എന്തേയ് പേരു കേട്ട് ഞെട്ടിയോ?
ഇതാണെന്റെ നാടിന്റെ പേര്.

ആലപ്പുഴയിലെ കുട്ടനാട്ടിൽ ആണ് ഈ പറഞ്ഞ ചതുർത്ഥ്യാകരി.
പണ്ട് പണ്ട് നമ്മുടെ അര്‍ജുനൻ ഗാണ്‍ഢവ വനം ദഹിപ്പിച്ചപ്പോൾ പൂര്‍ണമായും നശിക്കാതെ നിന്ന കരകളിൽ ഒന്നാണ് ചതുർത്ഥ്യാകരി.( മച്ചൂ ചില്ലറക്കാരല്ല ഞങ്ങൾ, തീയിൽ കുരുത്തവരാണു കേട്ടാ )
കുട്ടനാട്ടിൽ രാമങ്കരി,കൈനകരി,ചങ്ങംകരി,മിത്രക്കരി എന്നിങ്ങനെ കരികൾ വേറേയും ഒരുപാട് ഉണ്ട്.
എങ്കിലും ചതുർത്ഥ്യാകരി എന്ന പേരിന്റെ ആ ഒരു ഗ്ലാമർ വേറേ ഒന്നിനും ഇല്ല.

കുറച്ചു നാളുകൾക്ക് മുൻപുണ്ടായ ഒരു കഥ പറയാം.
കുറച്ചു നാൾ എന്നു പറഞ്ഞാൽ ഒരു വര്‍ഷം കഴിഞ്ഞിട്ടുണ്ട്.
അന്നു ഞാൻ അത്യാവശ്യം നന്നായി മദ്യപിക്കുന്ന സമയമാണ്.( ഇന്നു ഞാൻ പക്കാ ഡീസന്റ് ആണു കേട്ടോ.)
അങ്ങനെ ഒരു ദിവസം വൈകുന്നേരം ഞാനും എന്റെ കുറച്ച് കൂട്ടുകാരും കൂടി ഒന്നു കൂടുകയായിരുന്നു.
പാലാരിവട്ടത്തെ ഞങ്ങളുടെ സ്വന്തം റൂബി ബാറിൽ ആയിരുന്നു കൂടൽ. ( പാലാരിവട്ടത്ത് ചെന്നു റൂബി ബാർ തിരക്കേണ്ടാ. ഇതു ഞങ്ങളുടെ ഒരു സാറിന്റെ റൂബി എന്നു പേരുള്ള വീടായിരുന്നു. ഞങ്ങളുടെ സ്ഥിരം കാര്യ പരിപാടികൾ അവിടെയായിരുന്നതു കൊണ്ട് വീണ പേരാണ് റൂബി ബാർ എന്നത്.)

പതിവുപോലെ വലിയ താമസം ഒന്നും ഇല്ലാതെ കുപ്പികൾ കാലിയായി.( ശരിക്കും അന്നൊക്കെ കുടിക്കുന്നതിനേക്കാൾ സമയം വേണ്ടത് പരിപാടി ഒരുക്കുന്നതിനായിരുന്നു.) എന്റെ ഒരു രാമങ്കരിക്കാരൻ സുഹൃത്ത് ബൈക്ക് എടുത്ത് കളമശ്ശേരിയിലെ അവന്റെ അമ്മാവന്റെ വീട്ടിലേക്ക് പോയി. പോയി കുറച്ച് കഴിഞ്ഞില്ല, എന്റെ ഫോണിലേക്കു അറിയാൻ പാടില്ലാത്ത ഒരു നമ്പറിൽ നിന്ന് ഒരു കോൾ വന്നു. നക്ഷത്രങ്ങളെ കൊഞ്ഞനം കുത്തിക്കൊണ്ട് ഭൂമീ ദേവിയുടെ നെഞ്ജിൽ പറ്റിപ്പിടിച്ചു കിടന്ന ഞാൻ ആ കോൾ മിസ് ചെയ്തു.
ഇടപ്പള്ളി എത്തിയപ്പോഴേ അവനെ ഏമാന്മാര് പൊക്കിയിരുന്നു. പാവപ്പെട്ടവന്റെ ഫോണിൽ ബാലൻസ് ഇല്ലാഞ്ഞിട്ട് SI യുടെ ഫോൺ വാങ്ങി അതിൽ നിന്നും വിളിക്കുകയായിരുന്നു എന്നെ. പിന്നെ ആരെയൊക്കെയോ വിളിച്ച് രാത്രി തന്നെ അവനെ പുറത്തിറക്കി. പക്ഷെ വണ്ടി ഇടപ്പള്ളി ട്രാഫിക് പോലീസ് സ്റ്റേഷനിൽ ഈടു വെച്ചിട്ടാണ് പാവപ്പെട്ടവനെ വിട്ടയച്ചത്.

അടുത്ത ദിവസം അതി രാവിലെ 10 മണിക്ക് ഞാനും ഈ കൂട്ടുകാരനും ഞങ്ങളുടെ ഓഫീസിലെ വേറൊരു പയ്യനും കൂടി അവനു ജാമ്യം എടുക്കാൻ ഇടപ്പള്ളി സ്റ്റേഷനിൽ എത്തി. വാങ്ങണ്ടതെല്ലാം വാങ്ങി, കൊടുക്കേണ്ടതെല്ലാം കൊടുത്ത് ഞങ്ങൾ റൈറ്ററുടെ മുന്‍പിൽ എത്തി.
ജാമ്യക്കാരനായ എന്റെ അഡ്രസ്സ് എഴുതുന്നതാണ് സീൻ.

റൈറ്റർ : പേര്
ഞാൻ : ശ്രീപതി ദാസ്.
റൈറ്റർ: എന്തോന്ന് ?
ഞാൻ : ശ്രീ... പ... തി... ദാ... സ്...
റൈറ്റർ : സ്ഥലപ്പേര്.
ഞാൻ : ചതുര്‍ത്ഥ്യാകരി പി ഓ, ആലപ്പുഴ.
റൈറ്റർ : ഒന്നൂടെ...
ഞാൻ : ചതുര്‍ത്ഥ്യാകരി.. ചതുര്‍ത്ഥ്യാകരി
റൈറ്റർ : അതെ ഈ ' ത്ഥ്യ ' എങ്ങിനെയാ?
ഞാൻ : അതു സാറേ ദേ ഇങ്ങനെ എഴുതിയാൽ മതി. ( അവിടെ കിടന്ന ഒരു പേപ്പറിൽ ഞാൻ എഴുതി കാണിച്ചു. )
റൈറ്റർ : ഓകെ. ഓകെ. ഇനി ഒരു ലാന്റ് മാർക് പറ.
ഞാൻ : സാഹിത്യ പോഷിണി ഗ്രന്ധശാലക്ക് സമീപം.
റൈറ്റർ : ഒരു കാര്യം ചെയ്യ്, ലാന്റ് മാർകും വേണ്ടാ ഒരു ഡാഷും വേണ്ടാ . പിന്നെ, മേലാൽ ആര്‍ക്കെങ്കിലും ജാമ്യം എടുക്കാൻ നീ ഇങ്ങോട്ടു വന്നു പോകരുത്. പോ.. പോ.. പോ.. വീട്ടിൽ പോടാ.. അവന്റെ ഒരു പേരും സ്ഥലപ്പേരും ലാന്റ് മാർകും. സത്യം പറ, ഇതുള്ള സ്ത്ഥലമാണോടേയ്??

എനിക്കും തോന്നി ഇതിത്തിരി കടന്ന കയ്യായിപ്പോയെന്ന്. പക്ഷെ എന്തു ചെയ്യാം?

ഇതാണെന്റെ ചതുര്‍ത്ഥ്യാകരി


22 February 2011

കേരളത്തിൽ ജീവിക്കുന്ന പെൺകുട്ടികൾ അറിയാൻ.

മുന്നറിയിപ്പ് : ഈ പോസ്റ്റിൽ ഉപയോഗിച്ചിരിക്കുന്ന വാക്കുകളെ അതിന്റെ ശരിയായ അർത്ഥത്തിൽ തന്നെ കാണും എന്നു വിശ്വസിക്കുന്നു.

2011 ഫെബ്രുവരി 1ം തീയതി എറണാകുളം - ഷൊർണൂർ ട്രെയിനിൽ നിന്നും പുറത്തേക്ക് വീഴുകയും (വീണതാണോ അതോ എറിഞ്ഞതാണോ എന്ന് ഇനിയും വ്യക്തമല്ല) പിന്നീട് അതി ദാരുണമായി പീഡിപ്പിക്കപ്പെട്ട് ജീവൻ നഷ്ടപ്പെടുകയും ചെയ്ത സൗമ്യ എന്ന സഹോദരിക്ക് ആദരാഞ്ജലികൾ അർപ്പിക്കുന്നു.

എത്ര എത്ര പീഡന വാർത്തകൾ നമ്മൾ കേട്ടു കഴിഞ്ഞു?
ഇനിയും കേൾക്കും ഇല്ലേ??
പൗരന്മാരുടെ ജീവനും സ്വത്തിനും സംരക്ഷണം നൽകുക എന്നതു നാം തിരഞ്ഞെടുത്ത ഗവണ്മെന്റിന്റെ ഉത്തരവാദിത്തമാണ്. പക്ഷേ, നമുക്കെല്ലാവർക്കും ഓരോ പോലീസുകാരനെ വീതം സഹായത്തിന് നല്‍കാൻ ആർക്കും കഴിയില്ല.

പിന്നെ എന്താണു നടപ്പുള്ള കാര്യം?

കുറച്ചൊക്കെ നമ്മൾ സ്വയം സൂക്ഷിക്കണം കൂടാതെ ആവശ്യമുള്ളപ്പോൾ പോലീസിന്റെയോ മറ്റുള്ളവരുടെയോ സഹായം ലഭിക്കുകയും വേണം.
സൗമ്യ വീഴുന്നതു കണ്ട അടുത്ത കമ്പാർട്ട്മെന്റിലെ ഒരു യാത്രക്കാരൻ മറ്റുള്ളവരോടു അതു പറഞ്ഞിട്ടും ആ ചങ്ങല ഒന്നു വലിക്കാൻ ആർക്കും ധൈര്യം തോന്നിയില്ല. (ഞാൻ അവിടെ ഉണ്ടായിരുന്നെങ്കിൽ അതു സംഭവിക്കില്ല എന്നല്ല പറയുന്നത്). ചങ്ങല വലിച്ചു കഴിഞ്ഞ് ഉണ്ടാകുന്ന, സാക്ഷി പറയുക തുടങ്ങിയ ഭവിഷ്യത്തുകൾ നേരിടാൻ ആർക്കും താല്പര്യമില്ല എന്ന്താണ് കാര്യം.
ഇതുപോലുള്ള സന്ദർഭങ്ങളിൽ പോലീസിന്റെയോ റെയിൽവേയുടെയോ സഹായം തേടിയ ആളെ പിന്നീട് ഒരിക്കലും ബുദ്ധിമുട്ടിക്കില്ല എന്ന ഉറപ്പ് ഗവണ്മെന്റിന് നല്‍കാൻ കഴിഞ്ഞാൽ എന്തെങ്കിലും മാറ്റം ഉണ്ടാകില്ലെ?

സ്ത്രീകള്‍ക്കു നേരേ ഏറ്റവും കൂടുതൽ അതിക്രമങ്ങൾ നടക്കുന്നത് ജോലിസ്ഥലത്തും യാത്രചെയ്യുമ്പോളും ആണ്.

ജോലിസ്ഥലത്ത് ഉണ്ടാകുന്ന എല്ലാ വിധ അതിക്രമങ്ങളെയും നേരിടാൻ പോന്ന അതി ശക്തമായ നിയമം നമുക്കുണ്ട്.
അശ്ലീലം നിറഞ്ഞ വാക്കോ, നോക്കോ, ആംഗ്യമോ കൂടി ശിക്ഷ ലഭിക്കാവുന്ന കുറ്റമാണ്.
ഇങ്ങനെ എന്തെങ്കിലും അനുഭവം നിങ്ങള്‍ക്കുണ്ടായാൽ തീർച്ചയായും അതു ചുമതലപ്പെട്ടവർക്ക് റിപ്പോർട്ട് ചെയ്യുക. നിങ്ങളുടെ നിസംഗത ഇത്തരം ഞരമ്പുരോഗികൾക്ക് ഇത് തന്നെയോ ഇതിലും വലുതോ ആയ കുറ്റങ്ങൾ നിങ്ങളോടോ മറ്റുള്ളവരോടൊ ചെയ്യാൻ ഉള്ള ധൈര്യം നൽകും എന്നു മനസിലാക്കുക.

രാത്രി യാത്രയുടെ ഇടയിൽ വീട്ടിലേക്കോ മറ്റോ വിളിക്കുമ്പോൾ എവിടെയാണ് എന്നത് കൃത്യമായി പറയുക. വീട്ടുകാരെ സമാധാനിപ്പിക്കാൻ അടുത്തെത്തിയെന്നോ, ഇടക്കെവിടെയെങ്കിലും കയറുന്നതു കൊണ്ട് താമസിക്കും എന്നു തോന്നി അകലെയാണെന്നോ പറയാതിരിക്കുക.
രാത്രിയിലും മറ്റും തനിച്ച് യാത്ര ചെയ്യുമ്പോൾ സീറ്റിനുവേണ്ടിയോ മറ്റെന്തിനെങ്കിലും വേണ്ടിയോ ആരുമായും മുഷിഞ്ഞു സംസാരിക്കതിരിക്കാൻ കഴിവതും ശ്രദ്ധിക്കുക.

എറണാകുളം - ഷൊർണൂർ ട്രെയിൻ ഷൊർണൂർ എത്താൻ 15 മിനിറ്റിൽ താഴെ മാത്രം സമയം ഉള്ളപ്പോൾ ആണ് സൗമ്യക്ക് ഈ അതിക്രമം നേരിടേണ്ടി വന്നത്.

ഇതിനു സമാനമായി ഒരു സംഭവം കുറച്ച് മാസങ്ങൾക്ക് മുൻപ് നടന്നിരുന്നു. അന്ന് ഒരു പെൺകുട്ടി കള്ളനെ വരുതിയിലാക്കുകയും ചെയ്തിരുന്നു. കള്ളൻ വന്നു മാലയിൽ പിടുത്തമിട്ട ഉടനെ തന്നെ പെൺകുട്ടി അവന്റെ അടിനാവിയിൽ ഒരു ചവിട്ടു വെച്ച് കൊടുത്തു. പിന്നീട് ഗാർഡ് എത്തുമ്പോൾ കള്ളൻ , തന്നെ ഒന്ന് ആശുപത്രിയിൽ കൊണ്ടുപോകണേ എന്നു നിലവിളിക്കുകയായിരുന്നു.
ഒരു പുരുഷന്റെ ഏറ്റവും വലിയ മർമ്മമാണ് അവന്റെ ബോൾസ്. അവിടെ ഏൽക്കുന്ന വളരെ ചെറിയ ഒരു ആഘാതം പോലും താങ്ങാൻ ഒരു പുരുഷനും കഴിയില്ല. കുറച്ച് നേരത്തേക്ക് ഒരുത്തനെ നിലക്ക് നിർത്താൻ ഏത് പെണ്ണിനും കഴിയും.
അവശ്യ ഘട്ടങ്ങളിൽ സ്ത്രീ സഹജമായ പേടിയും നാണവും ഒഴിവാക്കി ധൈര്യത്തോടെ എതിർക്കുക.

ഇനി ചെയ്യേണ്ടത് ഈ നമ്പരുകൾ ഫോണിൽ സേവ് ചെയ്യുക എന്നതാണ്.
ആവശ്യ സമയത്ത് തീർച്ചയായും വിളിക്കുകയും ചെയ്യുക.

Vanitha Help line Numbers: 1091 (ടോൾ ഫ്രീ) , 2 33 99 53, 999 53 999 53
Railway Alert : 9846 200 100, 9846 200 150, 9846 200 180.
Cyber Cell Number : 0471-2556179
State Vanitha Cell (TVM)
0471-2338100
Vanitha Police Station, Trivandrum
0471-2321555
Women's Cell, Kollam
0474-2742376
Women's Cell, Pathanamthitta
0468-2222927
Women's Cell, Kottayam
0481-2302977
Women's Cell, Idukki
9745-769386
Women's Cell, Kochi
0484-2396730
Women's Cell, Thrissur
9745-796230
Women's Cell, Palakkad
0491-2522340
Women's Cell, Malappuram
9745-769151
Women's Cell, Kozhikode
0495 - 2724070
Women's Cell, Wayanad
9745-769072
Women's Cell, Kannur
9745-769032
Vanitha Helpline Number of Kerala Police
9846 100 100
Highway Helpline Numbers of Kerala Police
9846 100 100
Railway Helpline Numbers of Kerala Police
9846 200 100



വനിതാ കമ്മീഷൻ വിലാസം
Chairperson
Kerala State Women’s Commission
Vanross Junction, University P.O, Thiruvananthapuram - 34
Ph. 0471 - 0471-2322590, 2320509
Fax Number - 0471-2320509

21 February 2011

എന്താണ് 2G spectrum വിവാദം.


2G spectrum
2G spectrum എന്നത് മൊബൈൽ കമ്പനികൾക്ക് പ്രവർത്തിക്കാൻ ആവശ്യമായ ഒരു frequency ആണ്. 2G frequency സ്വന്തമായി ഉണ്ടെങ്കിൽ മാത്രമേ സംഭാഷണങ്ങൾക്ക് ഡിജിറ്റൽ ക്വാളിറ്റി ഉണ്ടാകൂ. SMS ഉൾപ്പെടെ ഉള്ള ഡാറ്റാ സർവീസുകൾക്ക് 2G frequency അത്യന്താപേക്ഷിതമാണ്.
ചുരുക്കി പരഞ്ഞാൽ ഇപ്പോൾ ഒരു മൊബൈൽ കമ്പനിക്ക് പ്രവർത്തിക്കണമെങ്കിൽ 2G frequenc ഇല്ലാതെ പറ്റില്ല.

2G spectrum എന്താണ് എന്ന് ഇനിയും കൂടുതൽ അറിയാൻ വിക്കിപീഡിയയോറട് ചോദിക്കാം

ഇനി എന്താണ് ഈ വിവാദം?

1. 2G licenses പ്രൈവറ്റ് കമ്പനികൾക്ക് വളരെ കുരഞ്ഞ നിരക്കിൽ നൽകി. (ഇതു നടന്നത് 2008-ൽ ആണ്)
2. ഈ ഇടപാട് കൊണ്ട് ഗവണ്മെന്റിന് ഉണ്ടായ നഷ്ടം 1.76 ലക്ഷം കോടി രൂപ.(Rs. 1.76 lakh crore)
3. ഈ ഇടപാട് നടത്തുന്നതിനായി നിയമങ്ങളും ചട്ടങ്ങളും തിരുത്തി.

രാജയുടെ മുകളിൽ ചുമത്തിയിരിക്കുന്ന കുറ്റങ്ങൾ.

2G licenses വില കുറച്ച് നൽകി.
  1. 2G spectrum licens-ന്റെ Entry fee 2001-ഇലേതാക്കി കുറച്ചു.
    (2001-ഇല്‍ 4 million ആയിരുന്ന മൊബൈല്‍ ഉപഭോക്താക്കളുടെ എണ്ണം 2008-ഇല്‍ 350 million ആയി എന്നതും ഇതിനു കൂടെ പരിഗണിക്കേണ്ടതാണ്.)
ചട്ടങ്ങൾ ഒന്നും പാലിച്ചില്ല.
  1. licens കൊടുക്കാൻ തുടങ്ങിയതിനു ശേഷം നിയമങ്ങൾ മാറ്റി.
  2. ആപ്ലിക്കേഷൻ കൊടുക്കുവാനുള്ള അവസാന തീയതി ഒരു ആഴ്ച കുറച്ചു.
  3. ലേലം ചെയ്തു നല്‍കേണ്ടിയിരുന്ന Licens വേണ്ടപ്പെട്ടവർക്ക് കിട്ടുവാൻ വേണ്ടി first-come-first-served രീതിയിൽ അനുവദിച്ചു.
  4. TRAI-യുടെയും Law Ministry-യുടെയും Finance Ministry-യുടെയും നിർദേശങ്ങൾ അവഗണിച്ചു.
  5. Licens ലേലം ചെയ്തു നൽകണം എന്ന TRAI നിർദേശം അവഗണിച്ചു.
ഇതു കൊണ്ട് ലാഭം ഉണ്ടാക്കിയവർ ആരൊക്കെ, എങ്ങിനെ.
  1. Unitech, Swan എന്നീ കമ്പനികൾക്ക് telecom മേഖലയിൽ യാതൊരു മുൻ പരിചയവവും ഇല്ലാതെ തന്നെ Licens നേടിയെടുക്കാൻ കഴിഞ്ഞു.
  2. ശരിയായ മാനദണ്ടങ്ങൾ പാലിക്കാതെ തന്നെ Swan Telecom Licens നേടി.
  3. 1537 കോടി രൂപക്ക് Licens വാങ്ങിയ Swan അവരുടെ 45% ഓഹരി 4200 കോടി രൂപക്ക് വിറ്റു.
  4. 1661 കോടി രൂപക്ക് Licens വാങ്ങിയ Unitech അവരുടെ 60% ഓഹരി 6200 കോടി രൂപക്ക് വിറ്റു.

ഇനി മറ്റു ചില കാര്യങ്ങൾ.

  1. രാജയെ പറ്റിയുള്ള ധനകാര്യ മന്ത്രി ചിദംബരത്തിന്റെ മുന്നറിയിപ്പ് പ്രധാന മന്ത്രി മൻ മോഹൻ സിങ് ചെവിക്കൊണ്ടില്ല.
  2. 15/1/2008-ൽ ചിദംബരം പ്രധാന മന്ത്രിക്ക് എഴുതിയ കത്തിൽ Licens ലേലം ചെയ്തു വിൽക്കണം എന്ന് ആവശ്യപ്പെട്ടെങ്കിലും മൻ മോഹൻ നടപടികൾ ഒന്നും എടുത്തില്ല.
2G spectrum Licens ചുളുവിൽ സ്വന്തമാക്കിയ കമ്പനികൾ.
  1. Unitech Group
  2. Swan Telecom
  3. Loop Mobile
  4. Videocon Telecommunications Limited
  5. S Tel
  6. Reliance Communications
  7. Sistema Shyam Mobile (MTS) – Sistema Mobile Russia
  8. Tata Communications
  9. Vodafone Essar
  10. Dishnet Wireless
  11. Allianz Infra