Subscribe:

Ads 468x60px

20 July 2012

വാൾപ്പാറ യാത്ര.

ഒരു ദിവസം രാത്രിയിൽ അടിച്ച് വാളുവെച്ചുകൊണ്ടിരുന്നപ്പം തോന്നിയ ഒരു പൂതി.

രാത്രി പന്ത്രണ്ടാം മണിക്ക്, മദ്യം കിട്ടാതെ വിഷമിച്ച് അലഞ്ഞുതിരിഞ്ഞ് നടന്ന ഏതോ ഒരു വേദനിക്കുന്ന കോടീശ്വരൻ കുടിയന്‌ രണ്ട് പെഗ്ഗ് കൊടുത്ത് അവനെകൊണ്ട് പെട്രോളും അടിപ്പിച്ച് വെളുപ്പിന്‌ 5 മണിക്ക് യാത്ര പുറപ്പെട്ടു.

ഞങ്ങൾ നാലു പേർ.- ശ്രീപതി ദാസ്,അനിൽരാജ് മാത്യു, അരുൺ ജോസ് പിന്നെ അനൂപും -
രണ്ടു ബൈക്കിൽ നടത്തിയ ഒരിക്കലും മറക്കില്ലാത്ത യാത്ര.

ആതിരപ്പള്ളി, വാഴച്ചാൽ, ഷോളയാർ, മലക്കപ്പാറ വരെ കേരളം.

അവിടുന്ന് വാൾപ്പാറ,ആളിയാർ,പറമ്പിക്കുളം ഇതെല്ലാം തമിഴന്റെ വക.

25 May 2011

ഹൂറേയ്... "ബിൽസിലാ ഹേ ബിൽസിലാ" വന്നേയ്...

നിമിഷങ്ങൾക്ക് വർഷങ്ങളുടെ ദൈർഘ്യം നൽകികൊണ്ട്, നമ്മളെയെല്ലാം കാത്തിരിപ്പിന്റെ സുഖം കൊണ്ട് ആറാടിച്ച, ത്രീ കിങ്സിന്റെ, ഗാനങ്ങൾ പുറത്തിറങ്ങിയിരിക്കുന്നു!!! പണ്ട് അറിയിച്ചിരുന്നതു പോലെ തന്നെ മലയാളത്തിലെ എക്കാലത്തെയും ജനപ്രിയ ഗാനം - സിൽസിലാ ഹേയ് സിൽസിലായുടെ റീമേക്ക് ഗാനവും( ബിൽസിലാ ) ഇതിൽ ഉൾപ്പെടുന്നു.

സിൽസിലയുടെ റീമേക്ക് ഈ ചിത്രത്തിൽ ഉൾപ്പെടുത്തും എന്ന് കേട്ടപ്പോൾ തന്നെ കേരളത്തിലെ യുവ സമൂഹം ആനന്ദ ലഹരിയിലായിരുന്നു.

ഹരിശങ്കറിന്റെ സിൽസിലാ എന്ന ജനപ്രിയ ഗാനത്തിന്റെ ആകർഷണീയതയും,ഭംഗിയും ഒട്ടും നഷ്ടപ്പെടാതെ റീമേക്ക് നിർമിക്കുക എന്ന ഭാരിച്ച ഉത്തരവാദിത്വമായിരുന്നു ബിൽസിലാ ഗാനത്തിന്റെ അണിയറ ശില്പികൾക്ക് ഏറ്റെടുക്കേണ്ടിയിരുന്നത്.

ദാ കേട്ട് നോക്കിക്കോളൂ ഈ ലോക ക്ലാസ്സിക്കുകൾ രണ്ടും.

 
1. ബിൽസിലാ..

2 സിൽസിലാ


വളരെ അധികം പണിപ്പെട്ടിട്ടാണെങ്കിലും അവർ അതിൽ ഏറെക്കുറേ വിജയിച്ചു എന്ന് തന്നെ പറയാം. ഔസേപ്പച്ചനാണ് ഈ പുതിയ ഗാനം അണിയിച്ചൊരുക്കിയത് എന്നാണ് അറിയാൻ കഴിഞ്ഞത്.

പഴയതിനെ കൂതറ എന്ന് പറയുകയും, ഹരിശങ്കറിന്റെ തന്തയ്ക്കും തള്ളയ്ക്കും വിളിക്കുകയും ചെയ്ത മലയാളികൾക്ക് അതെല്ലാം തന്നെ ഒന്നുകൂടി ചെയ്യാനുള്ള അവസരമാണ് ഔസേപ്പച്ചൻ ഇപ്പോൾ നമുക്ക് തന്നിരിക്കുന്നത്. 

നമ്മുടെ പഴയ സണ്ണി ഡോക്ടർ പറയുന്നതു പോലെ പറയാനാണ് എനിയ്ക്ക് തോന്നുന്നത്.

തെറ്റി...
എനിയ്ക്ക് പാടേ തെറ്റി..
ഈ കേൾക്കുന്നതാണ് സിൽസിലാ റീ മേക്കെങ്കിൽ ഞാൻ ഹരിശങ്കറിനെ കുറ്റം പറയില്ലാ.
അങ്ങേരു വെറും പാവം!

ഇനി എനിക്ക് പറയാനുള്ളത് ഹരിശങ്കറിനോടാണ്.

ഇനി താങ്കൾ തൊപ്പി വെച്ച് മുഖം മറയ്ക്കേണ്ടാ,
തലയിൽ തുണിയിട്ട് നടക്കേണ്ടാ,
ഫോൺ അറ്റന്റ് ചെയ്യാൻ മടിക്കേണ്ടാ.

ഒരു മലയാളി എന്ന നിലയിൽ എനിക്ക് ഒന്നേ താങ്കളോടു പറയാനുള്ളൂ.
സമസ്താപരാധവും ക്ഷമിക്കുക.
25 വർഷത്തിനു മുകളിൽ പരിചയ സമ്പത്ത് ഉള്ള  ഔസേപ്പച്ചന് ഇങ്ങിനെ ചെയ്യാമെങ്കിൽ, ഒരു പുതുമുഖമായ താങ്കളുടെ ആദ്യ സംരംഭത്തിനെ തെറി പറഞ്ഞ് ഓടിച്ച ഞങ്ങൾ മലയാളികൾക്ക് വേണ്ടി ഞാൻ താങ്കളോട് ക്ഷമ ചോദിക്കുന്നു.




18 May 2011

ഉറിയേൽ തൂങ്ങുന്നവന്റെ പ* യേൽ തൂങ്ങുന്നവർ.


ക്ഷമിക്കണം, ഇതിലും സഭ്യമായി ഇവരെ വിളിക്കുവാൻ ഉള്ള പദ സമ്പത്ത് എനിക്കില്ലാ...



കുട്ടനാട്ടിലെ നെല്ല് കൊയ്ത്ത് മെഷീൻ ഏജെന്റ്മാരുടെ   ---ഇല്ലാഴികയെ പറ്റിയാണ്  ഞാൻ പറഞ്ഞു വരുന്നത്.

ഇത്തവണ കൃഷി തുടങ്ങിയതു തന്നെ കാറ്റും മഴയും വെള്ളപ്പൊക്കവുമായിട്ടായിരുന്നു. വിതച്ച് ഏകദേശം ഒരു മാസത്തിനകം പലയിടത്തും പാടത്ത് വെള്ളം കയറി കൃഷി നശിച്ചിരുന്നു. പിന്നീട് കൃഷിവകുപ്പ് സൗജന്യമായി നൽകിയ 30 കിലോ വിത്തും സ്വന്തം ചിലവിൽ വാങ്ങിയ 20 കിലോ വിത്തും മറ്റുമായിട്ടാണ് രണ്ടാമത് കൃഷി തുടങ്ങിയത്. ഏക്കറിനു 30 കിലോ വിത്ത് സൗജന്യമായി കിട്ടിയെങ്കിലും വെള്ളം പറ്റിക്കുന്നതിനായി ഏക്കറിന് 500 രൂപ വീതം ഓരോ കൃഷിക്കാരനും പാടാശേഖര സമിതിക്ക് അധികമായി നൽകേണ്ടി വന്നിട്ടുണ്ട്.
ഇക്കാരണങ്ങൾ കൊണ്ട് സാധാരണ ഏപ്രിൽ മാസത്തിൽ നടക്കേണ്ട വിളവെടുപ്പാണ് രണ്ടു മാസം വൈകി ഇപ്പോൾ നടക്കുന്നത്. 

ഇനി കാര്യത്തിലേക്ക് കടക്കാം.

ഞങ്ങളുടെ പാടത്ത് കൊയ്ത്ത് മെഷീൻ വന്ന് തുടങ്ങിയിട്ട് ഇപ്പോൾ ഏകദേശം 5 വർഷമായി. മെഷീന് മണിക്കൂറിനാണ് വാടക നൽകേണ്ടത്. കഴിഞ്ഞ വർഷം 1600 ആയിരുന്ന വാടക ഇപ്പോൾ 2500 ആയി. കുഴപ്പമില്ലാ; ഈ സമയം കൊണ്ട് ഇന്ധന വിലയും ജീവിത ചിലവും കൂടിയിട്ടുണ്ട്. അതുകൊണ്ട് വാടക കൂടിയത് സഹിക്കാവുന്നതാണ്.
പക്ഷേ, ആദ്യ കാലങ്ങളിൽ ഒരു ഏക്കർ പാടം കൊയ്തെടുക്കാൻ 45 മിനിറ്റാണ് എടുത്തിരുന്നത്. കഴിഞ്ഞ വർഷമാകട്ടെ ആവറേജ് ഒരു മണിക്കൂർ സമയം കൊണ്ട് ഒരേക്കർ കൊയ്തിരുന്നു. കൂടാതെ ആവശ്യത്തിനു മെഷീനുകളും ഉണ്ടായിരുന്നു. പക്ഷേ ഈ വർഷം കർണാടകയിലും മറ്റും വിളവെടുപ്പ് സമയമായിരുന്നതിനാൽ മെഷീന്റെ എണ്ണം കുറവായിരുന്നു. ആദ്യം വന്നത് രണ്ടേ രണ്ട് മെഷീനുകളായിരുന്നു.
ഈ അവസരം മുതലാക്കി ഏജന്റുമാർ കൊള്ള നടത്തുകയായിരുന്നു ഇവിടെ. ഒരേക്കർ കൊയ്യാൻ മൂന്നും നാലും മണിക്കൂറാണെടുത്തത്. 4 ഏക്കർ കൊയ്യാൻ ഏകദേശം 50,000 രൂപയും ഒരേക്കറിന് 8,000 രൂപയും അര ഏക്കറിന് 7,000 രൂപയും ചിലവായവർ ഉണ്ട്. കഴിഞ്ഞ വർഷത്തെ ചിലവിന്റെ മൂന്നും നാലും ഇരട്ടിയാണ് ഈ ചിലവ്.
അര ഏക്കറിൽ താഴെ കൊയ്യാൻ 2 മണിക്കൂർ 45 മിനിറ്റ് എടുത്തു എന്ന് പറഞ്ഞ് കരയുന്ന കർഷകന്റെ മുഖമാണ് എന്റെ മനസിൽ ഇപ്പോഴും.
ഒരു കണക്ക് കൂട്ടൽ എടുത്ത് നോക്കാം.
4 പറ കണ്ടത്തിൽ ( 5 പറ ആണ് ഒരു ഏക്കർ. ) നിന്നും അദ്ദേഹത്തിന് ആകെ കിട്ടിയ നെല്ല് 7 ക്വിന്റൽ.
7 ക്വിന്റൽ നെല്ലിന്റെ വില ഏകദേശം 9800 രൂപ.
കൊയ്ത്ത് കൂലി 6875 രൂപ.
ചുമട്ട് കൂലി 420 രൂപ.
വെള്ളം പറ്റിച്ച വകയിൽ പാടാശേഖര സമിതിക്ക് നൽകാനുള്ളത് 250 രൂപ.
ബാക്കി 2255 രൂപ.
ഇതിൽ നിന്നും വിത്തിന്റെ വിലയും, വിതച്ചതിന്റെ കൂലിയും, വളത്തിന്റെ വിലയും, നടിച്ചിൽ കളപറി എന്നിവയുടെയും എല്ലാം ചിലവും കൂടി കിഴിച്ചാൽ തുക മൈനസ് ആകും. 

മെഷീന്റെ എന്തെങ്കിലും കുഴപ്പം കൊണ്ടാണ് ഇത്രയും സമയമെടുത്തതെന്ന് വിശ്വസിക്കുവാനും പറ്റില്ല. കാരണം, കൂടുതല് മെഷീനുകൾ വന്നപ്പോൾ ഇവയെല്ലാം സമയം മെച്ചപ്പെടുത്തുകയും ചെയ്തു.

കള്ള മാ..പൂ...താ... ഏജന്റുമാരേ,
ഒന്നൊർത്തോളൂ നെല്ല് എന്നാൽ ചോറാണ്. അത് സത്യമുള്ള മുതലാണ്. അതിൽ ഇത്തരം കള്ളം കാണിച്ചുണ്ടാക്കുന്ന കാശ് എറണാകുളം അമൃതയിൽ കൊണ്ടേ നിങ്ങൾ കളയൂ, ആലപ്പുഴ മെഡിക്കൽ കോളേജ് പറ്റാതെ വരും നോക്കിക്കോളൂ..